سلطة الخضار الخضراء
الخضراوات كتيرة وبأسعار متنوعة بيجي أيام بتكون غالية وأيام رخيصة حسب الوضع والأيام يلي بنعيشها والخضروات الفرش كتير بتكون طعمتها طيبة وشهية وخصوصا عند أول القطفة الأولى مثلا الجزر لمن أو ما نقطفه من الأرض بكون طعمته كتير حلوة ولذيذة ومليئ
بالمية من الداخل والحلاة كتير مناسبة بس لو تركناه برا تاني أو ثالث يوم المية يلي بداخله بتبدا تنشف وبصير يشرق عند الأكل لهيك الأفضل لو الواحد يمتلك قطعة أرض خصوصية لإله بزرع أشكال وألوان طبيعي يعني البقدونس والجرادة الخضراء أو الشبت البعض بسموها والخيار مثلاً
بكون كمان ممتلئ بالمية وهش فيه قرشة جميلة والهيارة بتكون رفيعة و حلوة كمان واوراق الخس والكابوتشا والملفوف الأبيض والأحمر والليمون الأصفر القشرة يلي بتكون طرية غير قاسية لأنه بنقطعها على السلطة والفجل والجرجير هدول كلهم لتجهيز السلطة الخضراء يلي بدنا
وأهم شيئ نقوم بغسلها جيداً خصوصا لو كانت من البلد لأنه بتكون مرشوشة من الدواء يلي برشوه المزارعين ولو كانت بالبيت كمان أفضل لأنه لمن نزرع نحن ما بنحط الأدوية ولو اضطرينا وحطينا ما بنقطفها على السريع وبناكلها بنخليها على قد الأيام المفترض نخليها من أسبوع أو أسبوعين وبعد ما نقطع الخضار نضع الملح والليمون نعصره والقليل من الطحينة ونحركهم مع بعض وبنضعهم بالتقسيم بالأطباق ونزينها بالجزر وبذور الرمان نضعها على الوجه
الصور من تصويري