القدرة الفلسطينية

أهم حاجة بالوصفة حتى تطلع معنا مثل يلي بتنباع وكتير طيبة لازم نحضر قدرة فخارة وإذا كانت جديدة بنقعها بالمية لمدة يومين كاملين واذا كانت القدرة مستخدمة قبل هيك عادي بتشتغل فيها بس عنجد بالقدرة الأكلة ولا أطيب لهيك نعمل فيها الأفضل بنحضر أي نوع لحمة ضاني تكون عادي وبنغسلها و

وبنحضر الحلة وبنضع فيها اللحمة ومن ثم بنشغل الغاز وبنضع بالحلة المياه بنخليها تغلي أو تفور معنا ومن ثم نقوم برفع الريم أو الرغوة من على الوجه حتى ما تعمل معنا زفارة ومن ثم نقوم بوضع المطيبات الملح واللومي والفلفل الاسود والكمون والقرنفل والحبهان المطحون وسبع بهارات ورق الغار وبنهدي النار حتى يتم التسوية بس ما تكون كتيرة مستوية لأنه حنطبخها بالأرز

وبحلة تانية نقوم بتقشير بصلة وتقطيعها شرائح أو جوانح ونضعها بالحلة ونضع اللية نذوبها ونقوم بتدبيل البصل بس ما يتحمر معنا مجرد دبل ومن ثم نقوم بوضع الحمص والثومة وممكن الثومة نسلقها مع اللحمة ونخرجها ونضعها بحلة الأرز وهي مسلوقة ونضع الأرز يكون مغسول منيح ومن ثم نقوم بوضع المرقة من حلة اللحمة ونظبط الملح ونضع الفلفل الأسود إذا بنحبها بتحرق بنكتر شوي ونضع البهارات الملح وبهار القدرة و

وبهار المندي ومن ثم نقوم بأخذ اللحمة بس الإستواء نصف سنوي ونضعه في حلة الأرز ونغلقها لحتى النضج ونقوم بوضعها بحرام ونلفها جيدا حتى يتفلفل معنا ومن ثم قبل وضعه في الحرام نقوم بتوزيع فحمة ونضع قطعة قصدير في نصف الأرز ونضع اللحمة فوقها ونضع القليل من زيت الطعام ونغلقها بإغلاق محكم حتى الدخان يضله بالداخل ويعطينا طعم الدخنة نغطيها جيدا لمدة ساعة أو أكثر بكون أفضل وبعد ساعة نقوم بتغطيتها ومن ثم سكبها بصينية التقديم الجميلة ونققوم بتقطيع البقدونس ونرشه على الوجه ونقوم بتحميص الصنوبر والفستق ونرشه على الوجه وممكن عين الجمل والكاجو أي نوع مكسرات بنحبه وبنضع الزبيب كمان ونقطع شرائح الليمون ونصفها بالجنب ونقطع منه ونرشه على الوجه ونقوم بسكب المرقة بالطبق وتقديمها جمب الأكل ونجهز العصائر المثلجة اللذيذة بجانب الأكل

الصور من تصويري