فطور فلسطيني

من الوجبات الجميلة التراثية يلي تعلمناها من أجدادنا وأهلنا وتراثنا الفلسطيني العريق الجميل كتير كان في أكلات ووجبات منها صحية ومنها تراثية بس عادي مو لازم دائما نعملها اليوم فطورنا فلافل فلسطين وأهلنا في مصر بقوله عنه الطعمية بس نحن وأهل فلسطين بعملوه بالحمص ومصر بعملوه بالفول

عملنا سفرة كبيرة كاملة ومتكاملة كمان عملناه بالسندوتشات مثل المطاعم وأطيب كمان بس كان ناقصها كاسة شاي بالنعناع كان صارت لذيذة فلافلنا بنقع الحمص ليلة كاملة بس بنكون منقينه من الحصى حتى لا يبوظ الماكينة وبعد ما نقعه نضع معه أيضاً بازيلاء نية وننقعها مثل الحمص كمان ومن ثم ثاني يوم نقوم بوضع الحمص في وعاء كبير حتى نتحرك فيه وما متضايق أثناء العمل

ونقوم بوضع الحمص داخله والبازلاء ونضع حبة من البصل والبقدونس نقطعه نصفين أو ثلاثة ونضع حبات من فصوص التومة المفسرة ومن ثم نضع فلفل حسب الرغبة ممكن حار وممكن بارد ونقوم بطحنهم مع بعض أنا عملتهم في البلاندر ووضعت عليه القليل من الماء حتى يسهل عليا طحنه ناعم يكون
وبعد ما نطحنه نقوم بوضع البهارات الخاصة بالفلافل ومنها الملح

والكمون والكزبرة المطحونة الناعمة والكربونة وكلفة الفلافل هادي عنا بفلسطين خلطة كاملة الفلافل عليها كل حاجة واذا كانت مش موجوده خلص ما بأثر بنضع البهارات يلي حكينا عليها ولا ننسى السمسم مهم بالطعم وبنحركهم جيدا ومن ثم بمقلاة غزيرة بالزيت نضعها على النار حتى يحمى ونضع الفلافل فيه أو ما نخلص وضعهم نهدي النار ونحرك الفلافل حتى لا يستوي من الخارج والداخل يكون نيئ ومن ثم نقدم بجانبه البطاطس المقلية والزيتون والخيار والفلفل المخلل مع سلطة الطماطم والخيار ورشة قليلة من الملح ونحركهم وممكن نعمل الطحينية باللبن

الصور من تصويري