كفتة الحاتي

كفتة الحاتي من الأكلات والوصفات الجداً سهلة وبسيطة وما بتاخد معنا وقت حتى لو كنا تعبانين وبس تكون طبعا نحن مجهزينها بالثلاجة على السريع بنطلعها وبنعملها ولا أسهل من هيك بس لو كانت لسا مو جاهزة بنحضرها وبنجيب نوع اللحمة تكون ممتازة لتعطينا النكهة والطعم يلي بنحبه بس تكون محضرة

المكونات اللحمة بتكون مفرومة ناعم وبنضع عليها بقدونس عرقين وبصلة كبيرة أو صغيرة على حسب الكمية يلي بدنا نعملها حتى كل المقادير كمان وبنطحنها ناعم وبعدين بنتبلها بالملح والفلفل الاسود والقرفة والزنجبيل وبهار الكباب أو الكفتة والملح يكون صخري ملح الهيمالايا لأنه أفيد الصحة تبعتنا وبنستخدمه
ونحن مطمئنين لأنه طبيعي فوائده أكتر من الملح العادي بنصح

ونضعها بالثلاجة لمدة ساعتين وبعد الساعة المحددة نخرجها حتى نشكها بالأعواد بس بتكون منقعينهم بالمية لمدة نصف ساعة حتى ما ينحرقوا معنا أثناء الشوي ومن ثم نأخذ اللحمة ونضعها بداخل الأعواد ونكمل كل الكمية يلي معنا وبعد ما نخلص ممكن نعملها بالمقلاة نضع فيها زيت أو نسيح لية أو دهنة أو سمنة

وبعد الإستواء نخرجها لو حبينا نعملها على النار كمان أطيب على الفحم بنحضرالمنقل يلي بدنا نشوي عليه ونحضر الفحم ونولعه لحتى يحمى معنا وبعد التجهيز نقوم بوضع أسياخ الكباب على المنقل وممكن نعمل طماطم وبصل كمان بنقطعهم أربع أرباع ونشكهم بالأسياخ ونضعهم بجانب الكباب للشوي والآية لو كانت موجودة بنقطععا مكعبات صغيره ونشكها بالأسياخ وبينها قطع من اللحمة كمان ونقلبهم من فوق ومن تحت حتى الإستواء الكامل ويقدم مع الحمص والدقة بالطماطم واللبن والسلطة التركية

الصور من تصويري