معجنات الجبنة والبيتزا

كتير نحن بنحب المعجنات بس طبعا تحصل معنا مشكلة صغيرة وهي كيف بدنا نعمل العجينة الأصلية الممتازة فكتير كنا نعملها على فرن الكهربائي تطلع معنا العجينة حلوة كتير لكن بالخبز لمن نخبزها ما تنجح معنا وتطلع مكتمة وغير ظابطة أبداً كنت كل يوم أجرب وصفات حتى تنجح معي عجينة وأحصل على قوام حلو قطني وناعم وهش وآخر شيئ طلعت معي عجينة أنا الصراحة عجبتني لكن ما وقفت إني ما أعمل كل يوم عجينة لتظبط لكن بهالوقت أنا اعتمدها وحبيتها لأنها كانت قطنية وخفيفة كمان

وكانت طريقتها كتير سهلة وما بتغلب وبنقدر بنفس الوقت نعمل أي شكل يلي بعجبنا وبنحبه كمان وممكن خلص تعتمدها وإذا لقينا وصفة أحسن بنرجع نكتبها وهادي بنحذفها المهم المقادير تبعت الوصفة والمكونات يلي حنستخدمهم دقيق يكون نسبة البروتين فيه عالية حوالي ثلاثة عشر أو أربعة عشر وبنحضر كوب مياه يكون ساخن وثلاث أرباع الكوب يكون بارد مئة كمان فيه

وبنحضر إناء كبير علشان لمن نعجن نرتاح بالعجن ما نتضايق فيه بنضع الماء بالوعاء الساخن والباردة هيك بعدلوا معنا المية وبنضع خميرة وملح وسكر وبنحركهم بالوسكي أو المضرب ونتركهم لمدة ربع ساعة حتى يخمروا وبعد الخمر نقوم بتحضير الدقيق ونعاير بالكأس المعياري أربع كاسات معيارية ونقوم بتنخيلهم بالمصفاية

وبنضعهم على خليط الخميرة يلي عملناه ونقوم بالعجن أول شيئ بالمعلقة ومن ثم باليد وممكن تحتاج معنا العجينة دقيق نرش القليل حتى لا تقسو العجينة معنا ولازم تكون طرية وبعد العجن لمدة ربع ساعة والأفضل بالعجان يعطينا عجينة كتير حلوة وبعد ما نخلص عجن نضع القليل من الزيت ونعجنه حوالي دقيقتين وتعطيها حتى تخمر وبعد ما تخمر نقطعها دوائر حسب القطعية ونحضر الحشوات يلي بدنا إياها أنا عملت تونة مع فلفل أحمر أو هريسة حارة وجبنة مكعبات وكمان وضعت جبنة فيتا مع زعتر مكس كتير بشهو وطعمتهم طيبة ومن ثم نفرد العجينة على حسب كيف بدنا نشكل العجينة والحشوات ومن ثم نحضر صينية الفرن ونضع فيها ورق الزبدة أو ندهنها بالقليل من الزيت الطعام ونضع القطع بالصينية ونقوم بتحمية الفرن ونضع الصينية بالفرن طبعا بعد التحمية ونرش الوجه ببخاخ المياه وما بتاخد وقت معنا حوالي ربع ساعة فقط نولع من فوق وتحت على حرارة مئتان وخمسين وبعد ما تخرج نغطيها بفوطة قطنية حتى تبقى طريقه مثل القطن الخفيف ومن ثم نقدمها مع الشاي والأشياء الساخنه

الصور من تصويري