Captain Cool
අද ලියන්න යන්නේ ශ්‍රී ලංකා ක්‍රිකට් වංශ කතාව සම්පූර්ණයෙන්ම වෙනස් මාවතකට වගේම ජාත්‍යන්තරය ඉදිරියේ ඉහළ තැනකට ගෙන ඒමට සමත් වූ අද්විතීය ශ්‍රී ලංකා ක්‍රිකට් කණ්ඩායමේ හිටපු නායක අර්ජුන රණතුංග ගැනයි. මම හිතන්නෙ නැහැ අර්ජුන ඇරුණු කොට කෙලින් තීරණ ගන්න පුළුවන් , කණ්ඩායම හොඳින් අවනත කරගන්න පුළුවන් වගේම කණ්ඩායම හොඳින් හසුරවන්න පුළුවන් දක්ෂ නායකයෙක් මේ වනතෙක් බිහි වුණා කියලා.යම්තාක් දුරකට මහේල ජයවර්ධනකින් ඒ කාර්යභාරය ඉටු වුනත් මම පෞද්ගලිකව විශ්වාස කරනවා අර්ජුන ගේ තැනට ඔහුට එන්න බැරි වුණා කියලා.අර්ජුන කියන්නේ කණ්ඩායම වෙනුවෙන් වගේම තමන්ගේ කණ්ඩායමේ ක්‍රීඩකයන් වෙනුවෙන් පෙරළිකාර තීරණ ගත්ත ක්‍රීඩකයෙක්.මුරලිදරන්ට විරුද්ධව එංගලන්ත තරඟයේදී විනිසුරුවන් එල්ල කර පන්දුව දමා ගැසීමේ චෝදනාවේදී අර්ජුන කටයුතු කළ ආකාරය ඊට මනා නිදසුනක්.
ඒ වගේම තමයි අපිට අද වන තෙක් කටක් ඇරල කතා කරන්න පුළුවන් ලබාගත් එකම එක් දින ලෝක කුසලානයේ කණ්ඩායම හැසිරවූ නායකයා වන්නේ ද අර්ජුන රණතුංගයි.එහිදී ඔහුගේ කාර්යභාරය අමුතුවෙන් කියන්න ඕන නෑනේ. ඒ වගේම තමයි මැදපෙළ ක්‍රීඩකයෙක් විදිහට අර්ජුන කණ්ඩායම වෙනුවෙන් මනා සේවයක් ඉටු කළා.ඔහු එක් දින සහ ටෙස්ට් තරඟ රටා දෙකේම පිතිකරන සාමාන්‍ය 35ට ඉහළින් පවත්වාගෙන යාමට සමත් වෙලා තියෙනවා.ඒ ලකුණු 5000ද තරඟ රටා දෙකෙන්ම පසුකර යමින්.ඔහුගේ නායකත්ව ලක්ෂණ නිසාම captain cool යනුවෙන් අන්වර්ථ නාමයක්ද අර්ජුනට පටබැදී තිබුනා.ඔහුගේ දේශපාලනය පිළිබඳව නම් මගේ එච්චර පැහැදීමක් නෑ.නමුත් ක්‍රීඩකයෙක් විදිහට ඔහුගෙන් රටට වුණු සේවාව අති මහත් කියලා මට සැක නැතුව කියන්න පුළුවන්.