84|Week #85 Begins👉Let's do it...Do It Yourself, cooking, Pakistan
،
ہمیں اپنے گھر والوں کی پسند کے مطابق روزانہ سالن اور کھانے کے طور پہ کچھ بنانا پڑتا ہے۔اسی وجہ سے خاص طور سے سوچنا بھی ضروری ہوتا ہے کہ ایسی چیز پکائی جائے جو کہ سب کی پسند کی بھی ہو اور سب شوق سے بھی کھائیں۔
اس کے علاوہ موسم کی سبزی کو پکانے میں سب سے زیادہ اچھی بات یہ ہے کہ وہ فائدہ مند ہوتی ہے اور باسانی مناسب ریٹ پر مل بھی جاتی ہے۔یہی سوچ کر میں نے الو بینگن کی بھجیا بنانے کا فیصلہ کیا۔
الو بینگن کی بھجیا
الو ایک ایسی سبزی ہے جو ہر گھر میں ہی پائی جاتی ہے۔بچے خاص طور سے الو بہت شوق سے کھاتے ہیں۔حالانکہ بیگن کی بھجیا بہت مختلف طریقوں سے پکائی جاتی ہے مگر ہمارے گھر میں اس کو الو کے ساتھ پکایا جاتا ہے اور شوق سے کھایا جاتا ہے۔اس کی سب سے بڑی وجہ اس میں موجود الو ہیں۔بینگن کی بھجیا بنانا زیادہ مشکل بھی نہیں ہے اور زیادہ دیر میں بھی نہیں بنتی۔میں اج اپ کو اس کی ترکیب مرحلہ وار شیئر کروں گی۔
کچھ لوگ بینگن کا چھلکا جلا کر اتارتے ہیں مگر میں چھری کی مدد سے چھیل کے اس کو استعمال کرتی ہوں۔سب سے پہلے الو اور بینگن دونوں کو چھیل کے کاٹ لیں۔اور الگ الگ دھو کر ٹوکری میں رکھ لیں۔
اب ایک بڑے سائز کی پیاز گ باریک کاٹ لیں اور تین عدد ٹماٹر بھی باریک کاٹ لیں اس کے علاوہ اپنی پسند کے مطابق ہری مرچیں بھی ساتھ رکھ لیں۔سب سے پہلے پیاز فرائی کرنے کے لیے برتن میں رکھیں ۔جب پیاز فرائی ہو جائے تو اس میں ہری مرچ اور ٹماٹر ڈال دیں۔
اب بنیادی مصالحے مثلا نمک مرچ اور ہلدی حسب ضرورت ڈال کے بھنائی کریں۔اور اخر میں بینگن ڈال کر ہلکی انچ پر ڈھک کر پکائیں۔
بینگن میں سے اپنا پانی بہت نکلتا ہے مگر یاد رہے کہ انچ بالکل دھیمی رکھنی ہے جب بینگن اپنے پانی میں پک جائیں تو ڈھکنا ہٹا کے اچھے طریقے سے چمچے کی مدد سے کوٹ لیں اور اس میں کٹے ہوئے الو بھی ڈال دیں اور پھر دوبارہ دم والی انچ پر ڈھک کر پکائیں۔
جب الو بھی دھیمی انچ پر پک کر نرم ہو جائیں تو الگ سے اچار مصالحہ تیار کریں۔جس میں ایک چمچی سونف ایک چمچی ثابت دھنیا چٹکی بھر اجوائن چٹکی بھر میتھی دانہ ادھی چمچی کلونجی اور ادھی چمچی زیرہ ہو۔اس تمام مصالحے کو باریک کٹوری میں پیس لیں اور پکے ہوئے سالن پر چھڑک دیں اچھی طرح مکس کر کے دوبارہ ڈھک دیں اور چولہا بند کر دیں۔
مزیدار الو بینگن کی بھجیا تیار ہے سلاد اور تازی روٹی کے ساتھ نوش فرمائیں۔
میں امید کرتی ہوں کہ اپ کو میری بکائی ہوئی الو بینگن کی بھجیا پسند ائی ہوگی شکریہ میں اس مقابلے میں اپنے کچھ ساتھیوں کو بھی شرکت کی دعوت دوں گی۔