Tasty/ rv-tasty, Rolled wheet porridge, Pakistan

السلام علیکم ،

گندم ایک ایسی چیز ہے جو کہ ہم اپنی روز مرہ زندگی میں مختلف شکل میں استعمال کرتے ہیں۔کبھی اس کی روٹی بنا کے تو کبھی گرمی کے موسم میں اس کا ستو پی کر۔اسی طرح گندم کا دلیہ بھی بہت شوق سے استعمال کیا جاتا ہے۔ہمارے ملک میں گندم کا دلیہ خاص طور سے حلیم کے لیے استعمال کیا جاتا ہے۔مگر میں حلیم کے علاوہ دلیہ کو زیادہ بھی پکاتی ہوں۔اج میں اپ کو یخنی کے ساتھ گندم کے دلیے کی ریسپی بتاؤں گی۔

یخنی میں گندم کا دلیا

گندم کے دلیے کو اسانی سے پکانے کے لیے بھگونا بہت زیادہ ضروری ہے۔اگر اپ کے پاس گندم کا دلیا دانے کی شکل میں ہے تو کم از کم چار سے پانچ گھنٹے دھو کر زیادہ سارے پانی میں بھگو دیں۔اور پھر اس کے بعد ابال لیں۔

یاد رہے اگر دلیا سادے پانی میں ابالیں گے تو ہی سب سے اچھے طریقے سے نرم ہوگا ورنہ مصالے ڈلنے کے بعد زیادہ دیر پکنے پر نرم ہوتا ہے۔

اب دوسرے ککر کے اندر یخنی نکالنے کے لیے ہڈی کو پکنے کے لیے رکھیں۔اور اس کے اندر نمک،لہسن ادرک،تیز پتہ،گرم مصالحہ ثابت،پیاز ڈال دیں۔

جتنی دیر میں دلیا نرم ہوگا اتنی دیر میں یخنی نگل ائے گی۔کھلے پانی میں ہڈی پکنے پر ہڈی کا جوس اچھے طریقے سے نکلے گا اور وہ یخنی دلیے میں ڈل کر نیا ٹیسٹ دے گی۔

جب دلیا ابل جائے تو اس کے اندر یہ یخنی بھی ڈال دیں۔اب ایک الگ فرائی پین میں ایک پیاز فرائی کریں۔

پیاز کے اندر کچھ مصالحے بھی ڈالیں مثلا نمک، اجینو موتو ،چکن پاؤڈر ،اچار گوشت مصالحہ ،ٹماٹر۔

تمام مصالحے اچھی طرح بھون لیں اور بھنے ہوئے مصالحے کو یخنی کے ساتھ پکتے ہوئے دلیے میں ڈال دیں۔

اب مزید ادھا گھنٹہ پکا لیں تاکہ مصالحہ دلیے کے اندر اچھی طرح مکس ہو جائے۔
ادھے گھنٹے کے بعد چولہے کی انچ بند کر دیں اور ہرا دھنیا ہری مرچیں ،لیموں ،تلی ہوئی پیاز ،ادرک وغیرہ ڈال کر پیش کریں

ہمارے گھر میں تلی ہوئی پیاز کو اوپر سے چھڑکنے کے لیے پسند نہیں کیا جاتا اسی وجہ سے میں نے نہیں ڈالی مگر زیادہ تر دوسرے لوگ تلی ہوئی پیاز کو اس کے اوپر ڈال کے کھانے میں پسندیدگی کا اظہار کرتے ہیں کیونکہ یہ حلیم کا ذائقہ دیتی ہے۔

میری کوشش ہوتی ہے کہ میں ہر دفعہ کچھ نیا شیئر کروں اور امید کرتی ہوں کہ اپ لوگوں کو بھی میرے بنائے ہوئے کھانے اور ان کے ذائقہ ہی پسند ائیں گے شکریہ۔
میرے کچھ ساتھی جو کہ بہترین پوسٹ لکھنے میں اگے ہوتے ہیں میں ان کو بھی اس مقابلے میں شرکت کی دعوت دوں گی۔

@tamanna,@jannatakhtar,@muhammad,