Contest: My special object،My grand mother's old suit, My Father's QuraanPaak,Pakistan

السلام علیکم ،

انسان کے پاس زندگی میں بہت ساری ایسی اشیاء موجود ہوتی ہیں جن کو وہ اپنے ساتھ یادگار کے طور پہ رکھنا پسند کرتا ہے۔ان سے جڑی یادیں اور بہت سارے واقعات اس کو وہ چیزیں ختم کرنے سے روکتی ہیں۔
میرے پاس بھی دوسروں کی طرح دو چار چیزیں ایسی ہیں جو کہ ابھی تک اسمبلی ہوئی رکھی ہیں اور ان سے وابستہ یادیں میرے دل میں ہمیشہ تازہ رہتی ہیں۔میری نانی جب حیات تھیں تو انہوں نے مجھے اپنے سوٹوں میں سے ایک لان کا سوٹ دیا تھا۔میں نے ان سے ان کی استعمال ہوئی چیز کا ذکر کیا تھا۔کیونکہ میں نے اپنی نانی کے منہ سے ہی سنا تھا کہ نیک بزرگوں کی استعمال ہوئی اشیاء اگر ہم اپنے پاس رکھیں تو اللہ تعالی اس چیز میں برکت دیتا ہے۔میری نظر میں اپنی نانی سے زیادہ نیک اور کوئی نہیں۔اسی لیے میں نے ان کی استعمال ہوئی ہوئی چیزوں میں سے کوئی سی چیز کی فرمائش کی تو انہوں نے مجھے اپنا سوٹ دے دیا۔

دیکھا جائے تو یہ ایک سادہ لان کا سوٹ تھا مگر یہ میرے لیے بہت قیمتی ہے۔میں نے اس کا معجزہ اپنی زندگی میں ہوتا دیکھا ہے۔پہلے میرے پاس اتنے زیادہ کوئی نئے کپڑے نہیں ہوا کرتے تھے۔مگر اب اللہ کا بے انتہا کرم ہے کہ میری الماری میں ایک وقت میں چھ سات سوٹ نئے موجود ہوتے ہیں۔اور میں اس میں اللہ کی کرم نوازی ہی سمجھتی ہوں۔

یہ میرے نئے کپڑوں کے کلیکشن میں سے کچھ کپڑے ہیں باقی کپڑے جو استری نہیں ہوئے وہ الماری میں ہی موجود ہیں۔۔دیکھا جائے تو یہ سوٹ کافی پرانا ہے اور اس کا کپڑا بھی گھس گیا ہے مگر میں نے اس کو اپنے سنبھال کے رکھے ہوئے سردی کے کپڑوں کے ساتھ رکھ دیا تاکہ اللہ تعالی اس کی برکت سے میرے سردی اور گرمی کے کپڑوں میں برکت عطا فرمائے۔

اس کے علاوہ جب میرے ابو کا انتقال ہوا تو میں اپنی امی سے اپنے ابو کا استعمال میں موجود قران پاک لے ائی تھی۔

اس قران پاک کو لانے کی نیت میری صرف یہ تھی کہ میں اس میں جتنا زیادہ پڑھوں گی اتنا ہی میرے ابو کو ثواب ملے گا۔یہی وجہ ہے کہ میں نے اس کو ابھی تک اسی حالت میں سنبھال کے رکھا ہے جیسا میں لے کر ائی تھی۔حالانکہ یہ میرے روزمرہ استعمال میں اتا ہے۔مگر میں اتنی احتیاط سے استعمال کرنے کی کوشش کرتی ہوں کہ ایک صفحہ بھی ناہل نہ پائے۔جب میں اس کو لے کر ائی تھی تو یہ بغیر کسی کور اور ڈبے کے تھا۔مگر میں نے اس کی احتیاط سے رکھنے کی خاطر اس کے لیے الگ سے ایک ڈبہ تیار کیا۔

ایصال ثواب کے علاوہ میری نیت یہ بھی تھی کہ جب میں اس قران پاک کو کسی اور کو دوں تو یہ صدقہ جاریہ میرے لیے بھی تیار رہے۔میں جب بھی اس قران پاک کو پڑھتی ہوں اس میں مختلف جگہوں پر میرے ابو کی پڑھائی کے نشانات نظر اتے ہیں۔اور ان کو دیکھ کر مجھے اپنے ابو کی یاد تازہ ہو جاتی ہے۔میں اور زیادہ دل لگا کے قران پاک پڑھتی ہوں تاکہ میری تلفظ میں ذرا بھی غلطی نہ ائے۔اور اللہ تعالی بڑھا چڑھا کر اس کا ثواب میرے ابو کو پہنچائے۔امین۔

ہمارے بزرگ اس دنیا سے چلے جاتے ہیں مگر ان کی دی ہوئی خوبصورت اشیاء ہمارے پاس یادگار کے طور پہ رہ جاتی ہیں۔اج کے اس مقابلے میں مجھے اپنی یادگار اشیاء کو شامل کر کے بہت خوشی محسوس ہوئی ہے۔

میں چاہتی ہوں کہ میرے کچھ ساتھی بھی اپنی یادگار اشیاء کا شیئر ہمارے ساتھ کریں۔

@suboohi,@fazalqafir,@abdurrehman