Details for Children., My lovely kids, Pakistan

السلام علیکم ،

اس تصویر میں نظر انے والا بچہ میرا بھتیجا ہے۔جو کہ مجھے اپنے بچوں سے زیادہ پیارا ہے۔اس کا مسکراتا ہوا چہرہ ہر کسی کو پسند ہے۔جس طرح اس کا باپ اتنی سی عمر میں ہر کسی کی انکھ کا تارا تھا اسی طرح یہ بھی ہمیں اپنی تمام اولادوں میں سب سے پیارا ہے۔اس کی وجہ صرف اور صرف یہی ہے کہ یہ مسکراتا ہے اور کبھی رونا ائے بھی تو پیار کرنے پر فورا مسکرا دیتا ہے۔یہی وجہ ہے کہ یہ ہم سب کی دل کی دھڑکن ہے۔

کچھ بچے ایسے ہوتے ہیں جو چھوٹے بچوں کی گود میں جا کر رونا شروع کر دیتے ہیں مگر ہمارا بھتیجہ اللہ نے اتنا خوبصورت دل دے کر بھیجا ہے کہ وہ چھوٹے بچے ہوں یا بڑا بچہ کسی کے پاس رونا نہیں شروع کرتا بلکہ خوشی خوشی مسکرا کے ہر شخص کی گود میں جاتا ہے اور سب کا دل لبھاتا ہے۔

اس کا باپ بھی ہم سب کے دل کی دھڑکن ہے کیونکہ وہ گھر میں سب سے چھوٹا بھائی ہے اور اب اس کی اولاد دو اور بھی زیادہ پیاری لگتی ہے۔حالانکہ ابھی اس کا بیٹا سات مہینے کا ہے مگر ہم سب اس کے بغیر رہنا بڑا مشکل تصور کرتے ہیں۔ہر بہن کی ایک ہی خواہش ہوتی ہے کہ سب سے اچھی چیز اپنے بھتیجے کو دی جائے۔کیونکہ وہ ہے ہی اتنا دل کے قریب۔

دو ہفتے پہلے میں کراچی گئی تھی اور وہاں پر اپنی بھائی کے گھر ہی ٹھہری تھی۔جب بھی کسی بچے کو پہلی دفعہ کوئی نیا بندہ ملے تو وہ بچہ فوری طور پر اس کی گود میں نہیں اتا مگر میرے بھتیجے میں اللہ نے ایسی خاص بات رکھی ہے کہ وہ فورا مسکرا کے میرے پاس ایا اور نہ صرف میرے پاس ایا بلکہ میرے منہ پر منہ رکھ کے مجھے پیار بھی گیا۔وہ خوبصورت لمحہ مجھے کبھی نہیں بھولتا۔

سب لوگ اس کے ساتھ ایسے کھیلتے ہیں جیسے وہ ایک کھلونا ہو۔کبھی اس کو کھڑکی پہ بٹھا دیں گے تو کبھی سوٹ کیس میں بٹھا کے سیر کراتے ہیں اسی طرح ہر انوکھی جگہ پر اس کو بٹھا کر اس کی اداؤں کو انجوائے کیا جاتا ہے۔ویسے تو ہر بچہ اپنی ادائیں دکھاتا ہے مگر میرے بھتیجے میں کچھ خاص بات ہے جو کہ کسی اور میں نہیں۔

میری دعا ہے کہ اللہ تعالی اس کو اپنے ماں باپ کے سائے میں صحت اور تندرستی کے ساتھ بڑا کرے اور سب کی انکھوں کا تارا بنا رہے امین۔

اس بہترین مقابلے میں میری خواہش ہے کہ میرے ساتھی بھی ضرور حصہ لیں۔@keiri,@sadaf01,@sana-khan01