Tell your story #57", complete my house's roof structure. Pakistan
السلام علیکم،
اج کل چونکہ ہمارے گھر کی تیاری کے مراحل چل رہے ہیں اور میرا اکثر و بیشتر اپنے پلاٹ پر جانا اور گھر کی طرح تیاری کو دیکھنا ہوتا رہتا ہے لہذا مجھے شدت کے ساتھ اج کے دن کا انتظار تھا۔کیونکہ ہمیں ٹھیکے دار نے اج کے دن چھت کے لیے لینٹر ڈالنے کا کہا تھا۔اس کا مطلب یہ ہے کہ ہمارے گھر کی چھت اج مکمل ہونی تھی۔پہلے کے 15 دن بنیادوں میں لگ گئے اور باقی کے 15 دن میں دیواریں اور دروازوں کی چوکھٹیں لگتی رہیں؟
اج صبح سے ہی میرے میاں اپنی جاب سے چھٹی کر کے گھر کی چھت ڈلوانے کے لیے گئے ہوئے تھے۔ہمارے علاقے میں یہ رواج ہے کہ جب کوئی شخص اپنے گھر کی چھت تیار کرواتا ہے تو سب لوگوں کو خوشی میں کھانا کھلاتا ہے۔مجھے بھی اس بات کی بہت شدید خوشی تھی کہ اللہ نے اج ہمیں یہ دن دیکھنا نصیب کیا اور ہمارے گھر کی چھت تیار ہوئی۔
اسی سلسلے میں میں صبح سے لگی ہوئی تھی اور سب لوگوں کے لیے کھانا تیار کر رہی تھی۔میرے بچوں نے بریانی کی فرمائش کی تھی لہذا اپنے گھر والوں کے علاوہ مزدور ،ٹھیکے دار ،گارڈ اور ارد گرد کے لوگوں کو بھی گھر سے بنایا گیا کھانا سرو کیا۔اس مقصد کے لیے میں اپنے بیٹے کے ساتھ بعد میں موٹر سائیکل پہ کھانا لے کر گئی جبکہ میرے شوہر صبح ہوتے ہی چلے گئے تھے۔
یہ ایک پرجوش لمحہ تھا سارا دن ہی اس لمحے کی خوشی میں گزر گیا۔ایسا محسوس ہوتا تھا جیسے کہ ہم ایک عرصے کے بعد دھوپ سے چھاؤں میں ائے ہوں۔
میں اس مقابلے میں اپنے کچھ ساتھیوں کو بھی شرکت کی دعوت دیتی ہوں۔