යශෝදරා දේවී
මම වැඩිය රැප් සින්දු වලට ආස කෙනෙක් නෙවෙයි.ඒත් මම කලින් article එකක ලිව්වා වගේ drill team කරපු වෙනස නිසා ටිකෙන් ටික රැප් අහන්න ආස හිතුනා. ඉතින් ඒ ආපු ඒවා වලින් මම ආස ඒවා වගේම වැඩිය හිතට අල්ලපු නැති ඒවත් තියෙනවා.මෑත කාලීනව වැඩිය රැප් වලට වගේම සින්දු වලටත් ලොකු රසවින්දනයක් මගේ තිබුණේ නැහැ.ලඟදී ආපු සමහර සින්දු ඇහුනම මම හිතනවා ඔයාලට්ත් එහෙමම ඇති කියලා.කොහොම හරි මුහුණු පොතෙන් මට අහම්බෙන් දකින්න ලැබුණු වීඩියෝ clip එකක තිබුණු පොඩි රැප් එකක් නිසා මට ඒක හොයා ගෙන අහන්න පුදුම ආසාවක් ඇති වුණා.රැප් එකේ නම තමයි යශෝධරා දේවි.යශෝධනා දේවියගේ චරිතය ගැන හරි ලස්සනට ලියවුනු රැප් එකක් තමයි මේක මටනම් අහන්න අහන්න ආස හිතෙන එකක්.
මේ රැප් එකට යශෝධරා දේවිය ගැන ලියැවුණු කරුණාරත්න දිවුල්ගනේ මහතා විසින් ගායනා කරපු ලාදලු බෝපත් සින්දුවත් ඇතුලත් කරලා තියෙනවා.නමුත් ඒකෙ cover song එකක් තමයි මේකට ඇතුලත් කරලා තියෙන්නේ ෆැලන් ඇන්ඩ්‍රියා විසින් ගායනා කරන.ඒ හින්දමද මන්දා ඒකට තවත් ලස්සනක් එකතු වෙලා තියෙනවා.මේ රැප් එකේ lyrics නම් මට වෙනම vibe එකක්.මේ රැප් එකේ පද රචනය හා ගායනය දෙකම දිල්ෂික චමෝද්(Chira Boy) විසින් කරලා තියෙනවා.වීඩියෝ පිටපතත් ඒ ගීතයට වගේම යශෝධරා දේවියගේ චරිතයටත් ලස්සනට ගැලපෙන විදියට සකස් කරලා තියෙනවා.Youtube එකේ නම් ඒ ගීතයට ලැබෙන්න ඕන වටිනාකම ලැබිලා තියෙනවා.ඉතින් ඔයාලත් තාම ඒක අහල නැත්නම් මගේ කීමට එක පාරක් අහල බලන්න සමහරවිට ඔයත් ඒකට ඇබ්බැහි වෙන්න පුලුවන්.