SEPARATION
ඉතින් යාළුවනේ කොහොමද? හැමෝම පරිස්සමෙන් ඇති කියලා හිතනවා. අද ලියන්න යන්නෙත් ටිකක් වෙනස් Horror , Mystery ෆිල්ම් එකක්. වෙනස්ම විදිහේ අති සංවේදී කතාවක් තියෙන ෆිල්ම් එකේ අන්තිමටම ශොක් වෙන විදියෙ අවසානයක් තියෙන ෆිල්ම් එකක් තමයි මේක. 2021 වර්ෂයේ නිකුත් වුණ මේ ෆිල්ම් එකට එතරම් ඉහළ imdb අගයක් නම් ලැබිලා නැහැ. 4.7ක imdb අගයක් හිමි වෙලා තියෙන මේ ෆිල්ම් එකේ කතාව මොනවගේද කියලා පොඩ්ඩක් බලලා ඉමු.
පුංචි පවුලක් ඉන්නවා මේ පවුලේ ජීවත් වෙන්නේ අම්මයි තාත්තයි දුවයි.අම්මගේ නම මැගී, තාත්තා ජෙෆ්රි පුංචි දුවගේ නම තමයි ජෙනී.කාලෙකෙ ඉඳන් තියෙන පෞද්ගලික ප්‍රශ්න වගයක් නිසා මැගී සහ ජෙෆ්රි දික්කසාද වෙන්න තීරණය කරලා තමයි ඉන්නේ.දුවගෙ භාරකාරීත්වය දෙන්නම ගන්න උත්සාහ කරනවා.නමුත් මේ නඩු තීන්දුවට කලින් අභිරහස් ලෙස සිදුවන අනතුරක් නිසා මැගී ජීවිතක්ෂයට පත්වෙනවා.මේ අභිරහස් කියලා කියන්නේ මොකද කියලා කතාව බලන් ඇති ඔයාලටම තේරෙයි.මැගීගෙ මරණයෙන් පස්සේ ජෙෆ්රි සහ ජෙනී දෙන්නා තනියෙන් තමයි ජීවත් වෙන්නේ.නමුත් මැගීගෙ මරණයෙන් පස්සේ මේ ගෙදර කළු පාට ඇඳ ගත්ත අවතාරයක් සැරිසරන්න පටන් ගන්නවා.සමහර වෙලාවල් වලට ජෙනී තනියම කතා කරනවා පේනවා.ජෙෆ්රිටත් එක එක අද්භූත දේවල් පේන්න පටන් ගන්නවා.හරියට මියගිය මැගී නැවත ඇවිල්ල වගේ.ඇත්තටම මේ ආත්මයේ මියගිය මැගීගෙද? නැත්නම් වෙනත් නරක ආත්මයක්ද? ඒ ගැන දැනගන්නනම් මේ ෆිල්ම් එක බලන්නම වෙනවා.