Wasim Akram
1990-2000 කාලවකවානුව කියන්නේ වමත් දකුණත් වේග පන්දු යවන්නන් ක්‍රිකට් ලෝකය හෙල්ලූ කාලයක්.අදටත් විශිෂ්ටතම පන්දු යකන්නන් කියලා බය නැතුව කියන්න පුළුවන් දේක පන්දු යවන්නන් බිහිවුනු කාලයක් තමයිි මේක.ඉතින් මේ කාලයේ එක් මමත් වේග පන්දු යවන්නෙක් හිටියා පිතිකරුවන් සියල්ලන්ම පාහේ තමන්ගේ පන්දුවෙන් මෙල්ල කල.මට විශ්වාසයි අදටත් පකිස්ථානයෙන් බිහි වූ හොඳම වමත් වේග පන්දු යවන්නා ඔහුයි.ඒ වෙන කවුරුත් නෙවෙයි ඔබත් මමත් හොඳින්ම දන්නා Wasim Akram.ඔව් අද ලියන්න යන්නේ Wasim Akram හෙවත් Sultan Of Swing ගැනයි.
1966 උපත ලැබූ වසීම් අක්‍රම් පකිස්ථාන කණ්ඩායම වෙනුවෙන් වරම් දිනා ගනු ලැබුවේ 1985 වසරේදීයි.වමත් පන්දු යවන්නෙක් ලෙස අති විශිෂ්ට දස්කම් පෑ මොහු වමත් පිතිකරුවෙක් ලෙසද දක්ශතා අතර සිටියා.ජාත්‍යන්තර ටෙස්ට් පිටිය තුළ ශතක තුනක් සහ අර්ධ ශතක හතක් ඔහුගේ නම ඉදිරියෙන් ලියැවී තිබෙනන අතරම එක් දින තරග පිටියේ අර්ධ ශතක හයක් ඔහු ලබා ගැනීමට සමත් වෙලා තියෙනවා.ඔහුගේ පිතිකරණය කොයිවගේ තත්ත්වයකද තිබුන්ද කියනවනම් ටෙස්ට් පිටිය තුළ ඔහුගේ හොඳම ලකුණු ලබා ගැනීම නොදැවී ලකුණු 257ක්.හරි අපි ඉතින් වැදගත්ම මාතෘකාවට යමුකෝ.ඒ වසීම් අක්‍රම්ගෙ පන්දු යැවීම ගැන.ටෙස්ට් පිටිය තුළ ඔහු කඩුලු 414ක් දවා ගැනීමට සමත් වෙලා තිබෙන අතරම, ඊටත් එහා යමින් එක් දින පිටියතුළ කඩුලු 502ක් තරම් දැවැන්ත සංඛ්‍යාවක් ලේක පන්දු යවන්නෙක් ලෙස දවා ගැනීමට සමත් වෙලා තිබෙනවා.එක්දිනපිටිය තුළ ඔහුගේ හොඳම පන්දු යැවීම ලකුණු 15ට කඩුලු 5ක්. 1999 ලෝක කුසලානයේදී පකිස්ථාන කණ්ඩායම මෙහෙය වූ වසීම් අක්‍රම්ගේ නායකත්වය හමුවේ පකිස්ථානය කණ්ඩායම අනුශූරතාවය දිනා ගැනීමට සමත් වුණා.ඇත්තටම වසීම් කියන්නෙ පකිස්ථාන කණ්ඩායමට විතරක් නෙවෙයි මුළු ලෝකයටම බිහිවූ අති විශිශ්ට අග්‍රගණ්‍ය ක්‍රීඩකයෙක්.